ചര്‍മ്മം പെര്‍ഫക്ട് ആക്കും ആ മാര്‍ഗ്ഗം

സൗന്ദര്യസംരക്ഷണത്തില്‍ എന്നും എപ്പോഴും വെല്ലുവിളി ഉയര്‍ത്തുന്ന ഒന്നാണ് ചര്‍മസംരക്ഷണം. മുഖത്തും ശരീരത്തിലും ഉണ്ടാവുന്ന കറുത്ത കുത്തുകളും പാടുകളും മറ്റും പല തരത്തില്‍ നമ്മളെ പ്രതിസന്ധിയില്‍ ആക്കുന്നു. അതിനെ ഇല്ലാതാക്കാനായി ബ്യൂട്ടിപാര്‍ലറുകളില്‍ കയറിയിറങ്ങുന്നവരുടെ എണ്ണത്തിനും കണക്കില്ല.

പുരുഷന് അമ്പതിലും മുപ്പതിന്റെ ചെറുപ്പം രഹസ്യമിതാ 

എന്നാല്‍ ഇനി ചര്‍മ്മത്തിന്റെ എല്ലാ പ്രശ്‌നങ്ങളും ഇല്ലാതാക്കി ചര്‍മ്മത്തിനെ പെര്‍ഫക്ട് ആക്കാന്‍ സഹായിക്കുന്ന ചില മാര്‍ഗ്ഗങ്ങള്‍ ഉണ്ട്. പ്രകൃതിദത്ത മാര്‍ഗ്ഗങ്ങള്‍ ആയതു കൊണ്ട് തന്നെ ഇത്തരം മാര്‍ഗ്ഗങ്ങള്‍ക്ക് പരിഹാരം കാണുമെന്ന ഉറപ്പും പാര്‍ശ്വഫലങ്ങളുണ്ടാവില്ലെന്ന ഉറപ്പും നല്‍കാന്‍ കഴിയും.

മുഖത്തെ കറുത്ത കുത്തുകള്‍ 

ചന്ദനം, ബദാം, തേന്‍ , തൈര് എന്നിവ ചേര്‍ത്തിളക്കി കുഴമ്പ് രൂപത്തിലാക്കിയ മിശ്രിതം എല്ലാ ദിവസവും മുഖത്തും കഴുത്തിലും പുരട്ടുക. പത്ത് മിനുട്ടിന് ശേഷം കഴുകി കളയുക.

മുഖം വൃത്തിയാക്കാം

 തൈരും തേനും ഒരു തുള്ളി നാരങ്ങ നീരും ചേര്‍ത്ത മിശ്രിതം മുഖത്ത് പുരട്ടുക. പത്ത് മിനുട്ടിന് ശേഷം കഴുകി കളയുക. മുഖം വൃത്തിയാക്കുന്നത് വൃത്താകൃതിയില്‍ തടവികൊണ്ടായിരിക്കണം.

മുഖത്തെ ചുളിവിന് പരിഹാരം

 ബദാം, പാകമായ പപ്പായയുടെ കാമ്പ് എന്നിവ ചേര്‍ത്തിളക്കിയ മിശ്രിതം മുഖത്ത് പുരട്ടി കുറച്ച് നേരം കിടന്ന് വിശ്രമിക്കുക. 15-20 മിനുട്ടിന് ശേഷം സാവധാനം വെള്ളം കൊണ്ട് കഴുകി കളയുക.

ചുണ്ടിന്റെ ആരോഗ്യത്തിന്

 ചുണ്ടിന്റെ ആരോഗ്യത്തിനും അഴകിനും ചുണ്ടില്‍ വൃത്താകൃതിയില്‍ പാല്‍പ്പാട പുരട്ടുക. ഒരു മിനുട്ടിന് ശേഷം റോട്ട് വാട്ടര്‍ ഉപയോഗിച്ച് കഴുകി കളയുക.

വരണ്ട ചര്‍മ്മത്തിന് പരിഹാരം 

കടലമാവ്, അല്‍പം മഞ്ഞള്‍, തൈര് എന്നിവ ചേര്‍ത്തിളക്കിയ മിശ്രിതം എല്ലാ ദിവസവും മുഖത്ത് പുരട്ടുക. ഇത് ഉണങ്ങിയതിന് ശേഷം വൃത്താകൃതിയില്‍ തേച്ച് കഴുകുക.

അനാവശ്യ രോമങ്ങള്‍ നീക്കാന്‍ 

മുട്ടയുടെ വെള്ള, തക്കാളി, ബദാം എന്നിവ കൊണ്ടുണ്ടാക്കുന്ന ലേപനം മുഖത്ത് പുരട്ടി 10 മിനുട്ടിന് ശേഷം കഴുകി കളയുക.